Cysylltiadau â’r Cwricwlwm

Mae Cerdd Iaith yn cefnogi Maes Dysgu a Phrofiad Ieithoedd, Llythrennedd a Chyfathrebu Cwricwlwm i Gymru, gan helpu dysgwyr i greu cysylltiadau rhwng y Gymraeg, y Saesneg ac ieithoedd rhyngwladol.

Mae ei ddull amlieithog, sy’n seiliedig ar y celfyddydau, yn defnyddio cerddoriaeth, drama a chreadigrwydd i ddatblygu sgiliau cyfathrebu, chwilfrydedd a hyder. Mae hefyd yn cynnig cyfleoedd i ddysgu ar draws Meysydd Dysgu a Phrofiad eraill.

Mae Cerdd Iaith yn cefnogi dysgwyr i wneud cynnydd tuag at bedwar diben Cwricwlwm i Gymru, gan eu helpu i ddod yn:

• ddysgwyr uchelgeisiol, galluog sy’n barod i ddysgu gydol eu bywydau
• gyfranwyr mentrus, creadigol sy’n barod i chwarae rhan lawn mewn bywyd a gwaith
• ddinasyddion egwyddorol, gwybodus yng Nghymru a’r byd
• unigolion iach, hyderus sy’n barod i fyw bywyd cyflawn fel aelodau gwerthfawr o gymdeithas

Mae’r dull amlieithog yn adlewyrchu nodau Cwricwlwm i Gymru drwy annog dysgwyr i ddefnyddio’r hyn maen nhw eisoes yn ei wybod am un iaith i gefnogi eu dysgu o ieithoedd eraill, gan ddatblygu eu dealltwriaeth o’u diwylliannau a’u cymunedau eu hunain, yn ogystal â rhai pobl eraill.

Am ragor o wybodaeth, gweler canllawiau Cwricwlwm i Gymru: Ieithoedd, Llythrennedd a Chyfathrebu a’r canllawiau ar gynllunio eich cwricwlwm a’r pedwar diben.