¿Cómo estás?

Defnyddiwch y saethau yn y gornel waelod ar y dde i chwyddo sgrin y fideo.

AMCAN: Cyflwyno ymadroddion defnyddiol yn Gymraeg, Sbaeneg a Saesneg i’r dysgwyr a gwreiddio’r syniad fod, yn aml, mwy nag un ffordd o ddweud rhywbeth.

Mae’r gweithgaredd yma’n ffordd ddelfrydol i ddechrau cyflwyniad arddangos o ddulliau dysgu ieithoedd neu i arddangos gwaith dosbarth.

Beth sydd angen i chi ei wneud:

Gwylio’r fideo a dysgu geiriau’r tair cân yn y tair iaith wahanol.

Rhannwch y dosbarth yn dri grŵp. Gwnewch yn siwr fod dysgwyr sy’n ganwyr cryf a hyderus ym mhob grŵp.

Gall fod yn syniad da i gychwyn drwy ymarfer yn araf, heb y cyfeiliant. Gallwch weithio drwy’r camau canlynol:

- Mynd trwy eiriau’r penillion ym mhob iaith yn unigol i ddechrau

- Cyfuno penillion mewn dwy iaith.

- Pan mae’r dysgwyr yn ddigon hyderus, ychwanegu’r drydedd iaith.

- Mynd drwy’r cyfan gyda’r fideo – manteisio ar ganwyr y fideo fel cefnogaeth ychwanegol.

Un her olaf – defnyddio’r fersiwn o’r fideo gyda’r cyfeiliant yn unig.

Mae geiriau, nodiant, ffeiliau sain a fideo ar gael yn yr adran Lawrlwythiadau isod